Америкалык National Geographic басылмасы фотограф Мэттью Палейдин (Matthieu Paley) памирлик кыргыз балдарынын ойноп жатканын чагылдырган сүрөтүн жарыялады.
Сүрөттө кыз менен баланын бетме-бет отуруп алып ойноп жатканын көрүүгө болот. Аталган басылма сүрөткө: «Эки кичинекей кыргыз көк шиберде ойноп жатышат. Балдардын ата-энелери Ооганстандагы Памир тоолорунун этегинде топоздорду кайтарып жүрөт», — деген билдирүүсүн калтырган.
Сүрөтчүнүн инстаграмдагы өздүк баракчасынан Памирге барган сапарында тарткан бир катар кооз кадрларын көрүүгө болот.
