Бишкекте 840 килограмм уксус кислотасын мыйзамсыз ташып кирүү фактысы аныкталды. Бул тууралуу Мамлекеттик бажы кызматынан билдиришти.
Мекеме тараткан маалыматка караганда, «Түндүк-Чыгыш» бажысынын контрабандага каршы күрөшүү бөлүмүнүн кызматкерлери «Ф.М.Л» жоопкерчилиги чектелген коому 840 килограмм салмактагы 80% уксус кислотасын уруксат берген документтери жок ЕАЭБтин бажы аймагына ташып келгендигин ачыкташкан.
Бул факт Кылмыштардын жана жоруктардын бирдиктүү реестрине катталып, материалдар мыйзам чегинде чара көрүү үчүн өткөрүлүп берилди.