Бразилиянын президенти Жаир Болсонару тери рагы оорусу менен жабыркап калганынан шектенет. Бул тууралуу ал президенттик резиденциянын алдына чогулган журналисттерге берген маегинде билдирди.
-Мен активдүү жашоо образын жактыргандыгыман, өмүрүмдө көп ирет балык уулоого чыктым. Ашыкча күнгө какталган учурларым да көп болду. Ошондон улам учурда тери рагына чалдыктым окшойт,- деди Болсонару.
Журналисттердин «Өзүңүздү кандай сезип жатасыз?» деген суроосуна тамаша иретинде «Моруару [ред: вице-президент Антониу Гамилтон] азырынча экинчи адам болуп турат ко» деп жооп берген. Бразилиянын мыйзамына ылайык, эгерде президент каза болсо, анын ордун вице-президент ээлейт.
Болсонару Бразилиянын аскердик госпиталына барып көрүнүп турат. Мурдагы жумада текшерүүдөн өткөн соң президенттин «ашыкча чарчагандыгы» айтылып, өлкөнүн түндүк-чыгышына болгон сапары жокко чыгарылган.