Кыргызстанда ВИЧ жугузуп алган кишилердин расмий саны 2019-жылдын 1-ноябрына карата 9516 адамды түздү. Бул эсеп былтыркы жылга салыштырмалуу 837 адамга көп. Ооруну жугузгандардын 2013ү каза болгон.
ВИЧке кабылгандардын 64%ы аялдар, 36%ы эркектер. Ооруга чалдыккандардын 70%ын 25-49 жаштагы адамдар түзөт.
Дартка кабылгандардын 47%ы корголбогон жыныстык катыш учурунда, 45,1%ы баңгизатты ийне менен сайынуу жана медициналык жабдуулар аркылуу жуктурган. 2,8% энеден балага өтсө, 4,8%ы так аныктала элек.
Бир жыл мурда, 2018-жылдын 1-ноябрына карата ВИЧ жугузуп алган 8679 киши катталган. Алардын ичинен 1873 киши каза болгон. Акыркы учурларда жугуу жолдору өзгөрүүдө. Ошондой эле, аялдар менен эркектер арасындагы айырмачылык байкалууда. Мурда 2010-жылы аялдар 10%ды түзсө, азыр ооругандарын 64%ын аялдар түзөт. Ал эми эркектер жаңы инфекция пайда болгондо 90%ды түзсө, азыр алар 36%ды түздү.
Улуттук стаистикалык комитеттеги маалыматка ылайык, 2008-2018-жылдар аралыгында жыл сайын ВИЧ илдетин жуктурду деп катталган жаңы учурлар:
1) эркектер арасында:
| 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | |
| Парентериалдык (кан, ийне…) | 319 | 454 | 322 | 358 | 288 | 166 | 174 | 162 | 175 | 179 | 127 |
| Жыныстык катнаш | 34 | 30 | 55 | 45 | 86 | 101 | 147 | 165 | 206 | 240 | 302 |
| Энеден-балага | 18 | 11 | 10 | 11 | 19 | 9 | 5 | 12 | 7 | 6 | 13 |
| жалпы | 371 | 495 | 387 | 414 | 394 | 277 | 344 | 355 | 466 | 463 | 509 |
2) аялдар:
| 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | |
| Парентериалдык (кан, ийне…) | 48 | 32 | 28 | 40 | 64 | 25 | 14 | 14 | 39 | 35 | 13 |
| Жыныстык катнаш | 126 | 140 | 129 | 133 | 217 | 176 | 234 | 251 | 251 | 266 | 247 |
| Энеден-балага | 7 | 4 | 10 | 7 | 17 | 1 | 10 | 13 | 9 | 10 | 12 |
| жалпы | 181 | 176 | 167 | 180 | 299 | 203 | 268 | 287 | 319 | 333 | 311 |
Бүгүн 1-декабрь Бүткүл дүйнөлүк СПИД менен күрөшүү күнү.
Бул күн 25 жылдан бери элге маалымат жеткирүү жана кишининин иммундук жетишсиздик вирусун жуктуруп алган адамдарды колдоо максатында белгиленип келет. Аталган ооруу заманбап дүйнөнүн чечүүгө эң кыйын болгон чакырыктарынын бири.
Белгилей кетсек, биринчи жолу 1981-жылы 5-июнда АКШнын Ооруларга көзөмөл жүргүзүү борбору СПИД деген жаңы ооруну каттаган. Алгач «Төрт-Г» деп аталган адамдын иммундук жетишсиздигинин козгогучу бара-бара анын кабылдоосуна алып келери, аны менен ооруган адам акыры өмүрү менен кош айтышары аныкталганда гана Бириккен Улуттар Уюму ушул дартка карата каршы күрөшүү күнүн 7 жылдан кийин жарыялаган.
Дүйнө жүзүндө ВИЧке чалдыккан 37,9 млн адам болсо, анын 1,7 миллиону балдар болуп саналат. Оорууга чалдыккандардын 79%ы өз оорусунан кабары бар.
БУУнун маалыматына ылайык, 2010-жылга салыштырмалуу аталган оорууну жугузгандардын саны 2018-жылы Чыгыш Европа жана Борбордук Азия өлкөлөрүндө 29%га өскөн.