Ташкентте Борбордук Азия мамлекет башчыларынын экинчи консультативдик жолугушуусу башталды. Жыйынга катышуу үчүн президент Сооронбай Жээнбеков Ташкентке бүгүн барды. Казакстандын президенти Касым-Жомарт Токаевдин ордуна Элбашы Нурсултан Назарбаев келди.
Экинчи консультативдик жолугушуу салтка айланып калгандай, делегат башчылардын чогуу сүрөткө түшүүсү менен башталды.
Жолугушуунун күн тартибине саясий, соода-экономикалык, инвестициялык, транспорт жана коммуникациялык, маданий-гуманитардык жана башка тармактардагы аймактык кызматташууну кеңейтүү маселелери киргизилген.
Экинчи консультативдик жолугушуунун алкагында президент Сооронбай Жээнбековдун Өзбекстандын президенти Шавкат Мирзиёев менен эки тараптуу жолугушуусу болот.