Өлкө боюнча бюджеттик мекемелерге 180 миң 653 тонна көмүр жеткирилди. Бул тууралуу «Кыргызкөмүр» мамлекеттик ишканасынын пландоо бөлүмүнүн башкы адиси Нурлан Ормошев «Марал» радиосуна берген маегинде билдирди.
Анын айтымында, 20-ноябрга алынган маалымат боюнча калкка 761 миң 142 тонна кара алтын жеткирилди.
«Кыргызкөмүр» мамлекеттик ишканасы 2019-2020-жылдар үчүн 2,5 млн тоннна көмүр өндүрүү тапшырмасын алган. Анын ичинен бюжеттик мекемелер 236 миң тонна, эл 1 млн 124 миң тонна, Бишкек Жылуулук электр борбору 1 млн 140 миң тонна кара алтын керектейт.
-1 тонна көмүрдү ачуу үчүн 8 тонна топуракты тазалоо зарыл. Көмүргө болгон суроо-талап жыл сайын 100 миң тоннага өсүп жатат. Буга байланыштуу топурак тазалоо жумуштары да көбөйүүдө. Ал эми көмүр казуу процесси мезгилге карабай жүрө берет, — дейт Ормошев.