«Ош» эл аралык аэропортунда кармалган учактардын баары бүгүн учуп кетишти. Бул тууралуу “Манас” эл аралык аэропортунун маалымат катчысы Алия Курбанова билдирди.
Анын айтымында, кечээ, 24-ноябрда калың тумандан улам бир катар каттамдагы учактар учпай калган.
—Кечээ, 24-ноябрдагы түшкөн тумандан улам, Ош эл аралык аэропортунан бир нече каттамдагы учактар учпай калган болчу. Кармалган бардык каттамдар бүгүн учуп кетишти. Ош аэрпопорту учурда штаттык режимде ишин улантып жатат, — деп билдирди ал.
Алия Курбанова ошондой эле, аэропорттун иштери, каттамдардын убакталарынын жылдырылганы, жүргүнчүлөр боюнча оперативдүү маалыматтарды 0-3222-9-01-01 телефон номери аркылуу билип алууга болорун эскертет.