Бишкек – Ош унаа жолунда кырсык катталып, бир адам каза болуп, төртөө ооруканага жаткырылды. Бул тууралуу Жол кыймылын көзөмөлдөө башкы башкармалыгынын маалымат кызматы билдирди.
Кечээ кан жолдун 191-чакырымында (Суусамыр өрөөнү) «Мерседес Спринтер» кичи автобусу жүрүп баратып жол четинде токтоп турган оор жүк ташуучу унаага келип урунган.
Өзгөчө кырдаалдар министрлигинен 6 куткаруучу кырсык болгон жерге келип, мерт кеткен жаранды чыгарып, милиция кызматкерлерине өткөрүп беришкен.
Ал эми жаракат алгандар жолоочу унаалар менен Токтогул райондук ооруканасына жеткирилген.