Бүгүн футбол боюнча Кыргызстан – Япония курамаларынын беттешине байланыштуу Бишкекте айрым көчөлөрдө транспорттордун жүрүүсүнө чектөө киргизилет. Дөлөн Өмүрзаков стадионунун тегерегиндеги жолдор саат 14:00дөн тарта тосулат. Бул тууралуу Жол кыймылын көзөмөлдөө башкы башкармалыгынын маалымат кызматы билдирди.
Тоголок Молдо көчөсү — Чүй проспектисинен Фрунзе көчөсүнө чейин; ал эми Абдумомунов көчөсү —Эркиндик бульварынан Орозбеков көчөсүнө чейин жабылат.
Мындан сырткары, Фрунзе көчөсү боюнча Исанов көчөсүнөн Панфилов көчөсүнө чейинки жол кыймылына убактылуу чектөө киргизилет.
Жол коопсуздугун көзөмөлдөө башкармалыгы айдоочуларга маршрутту алдын ала пландоону эскертет.
Беттеш саат 17:15те башталат.