Транспорт жана жолдор министрлиги бир вариант менен бардык долбоорлорду эсептеп коёт. Долбоордун баасын эч ким текшербейт. Бул тууралуу аталган министрликтин коомдук кеңешинин мүчөсү Талант Садакбаев «Марал» радиосуна берген маегинде билдирди.
Анын айтымында, Кыргызстан жол куруу үчүн 2,5 млрд долларга жакын насыя алынган.
«Ар бир донордун аудити өтөт. Ар бир долбоордон бизге бирден лаборатория калат. Лабораториялар боюнча маселе жок. Ал эми Талас-Тараз-Суусамыр жолунун курулушу боюнча да шектүү нерсе бар», — деди Садакбаев.