Чүйдүн Кемин районунда 10 күндүн ичинде 4 карышкыр, 5 чөө атылып жок кылынды. Бул тууралуу жергиликтүү аңчылар кабарлашты. Буга чейин жергиликтүү тургундар жырткычтар көбөйүп, короодогу мал-жандыктарды жеп кетип жаткандыктан аларды жок кылуу боюнча атайын мергенчилер тобуна кайрылышкан.
Акыркы маалдарда карышкырлар малга күндүздүн-күнү эле жайыттарда жайылып жүргөн жеринен кол сала баштаганын мал кармаган эл айтышат.