Бир учкуч, он мигранттын акчасын табат. Мындай пикирин Жогорку Кеңештин «Өнүгүү-Прогресс» фракциясынын депутаты Бакыт Төрөбаев өзүнүн «Фейсбук» баракчасына жазды.
«Бүгүн Ишембай Абдраимов атындагы авиациялык институтка барып, окуу-жайдын абалы менен тааныштым. Бир учкуч, он мигранттын айлык акысына ылайык каражат табат. Эл аралык авиа компанияларда эмгектенген учкучтардын маянасы 10 миң доллардын тегерегинде», — деп жазган эл өкүлү.
Ошондой эле, ал азыркы кезде дүйнөдөгү алдыңкы авиа компанияларда учкучтарга болгон талап жогору экендигин айтып, экономиканы көтөрүү үчүн, ушул тармакка терең маани бериш керектигине токтолгон.