Кыргызстан ок атуу боюнча улуттук курама командасынын мүчөлөрү лицензиялык Азия чемпионатына катышат. Бул тууралуу Жаштар иштери, дене тарбия жана спорт боюнча мамлекеттик агенттиктин маалымат кызматы билдирди.
Азия чемпионаты 3-ноябрда Катардын Доха шаарында башталып, 14-ноябрга чейин уланат.
Аталган мелдешке катышуу үчүн төмөнкү спортчулар Доха шаарына учуп кетишти:
- Токмоков Асхат;
- Щуковская Анастасия;
- Махмадова Бактыгүл;
- Кеңешбекова Айгерим;
- Исмаилов Тахир — Башкы машыктыруучу.
Курама кошуун Спорттун олимпиадалык түрлөрү боюнча дирекциясы тарабынан каржыланууда. Дирекциянын бюджетинен 1 млн 180 миң сом каралган.