Стратегиялык мааниси бар жерлерди кытайларга колдонууга берүү туура эмес. Бул тууралуу Жогорку Кеңештин депутаты Марлен Маматалиев «Марал» радиосуна берген маегинде билдирди.
Эл өкүлү өз ишмердүүлүгүндө Кытай тараптан демилгеленген иш-чараларга тоскоолдук кылып келерин белгилеп, анын себебин төмөнкүчө түшүндүрдү.
«Себеби алардын эң негизги багыты — Кыргызстанга насыя берип, карызга батырып, төлөй албай калган убакта, баарын алуу. Мен ачык эле айтып салдым», — деди Маматалиев.