Кыргызстандын эркин күрөш балбаны Эрназар Акматалиев 23 жашка чейинкилер арасындагы дүйнө чемпионатында коло байге үчүн күрөшөт.
65 кило салмакта күч сынашып жаткан Эрназар жарым финалда япон балбаны Такума Таниямага 3:4 эсебинде жеңилип калды.
U23 дүйнө чемпионаты ушул күндөрү Венгриянын борбору Будапешт шаарында өтүүдө.
Эрназар квалификациялык этапта орусиялык Руслан Шендаевди, 1/8 финалда АКШлык Жайдин Селсор Айрманды жеңди. Ал эми чейрек финалда жергиликтүү венгр балбаны Роман Ашаринди уткан болчу.
(Сүрөттө: Эрназар АКШ балбанын 4 упайлык ыкма менен көтөрүп чаап жаткан чагы)