Ош шаарындагы «Аль-Мансур» кафесинде өрт кырсыгы катталды. Бул тууралуу Өзгөчө кырдаалдар министрлигинин маалымат кызматы билдирди.
5-октябрь түнкү саат 01:00 чамасында «Аль-Мансур» кафесинен өрт чыккандыгы тууралуу маалымат түшкөн.
Өрттү өчүрүүгө жалпы 6 бөлүм тартылып, өрт саат 02:37де толугу менен өчүрүлгөн.
Кафенин 150 чарчы метр аянты толугу менен күйгөн. Кырсыктын кесепетинен жабыркагандар жана каза болгондор жок.
Материалдык чыгым жана өрттүн келип чыгуу себеби такталууда.