Иракта бийликке каршы нааразычылык акцияларынан улам каза болгондордун саны 30дан ашты. Бул тууралуу AP агенттиги жазды.
Митинг өлкөдө экономикалык абалдын начарлашынан жана жумуш орундарынын жоктугунан улам башталган.
Нааразычылык акциялары 1-октябрдан бери уланууда. Тынымсыз өткөн акциянын айынан элди таратуу үчүн коопсуздук кызматкерлери көздөн жаш агызуучу газ колдонушууда. Ошондой эле премьер-министр Адель Абд аль-Махдинин буйругу менен 3-октябрда коменданттык саат киргизилди.