Билим берүү жана илим министри мектептер директорлоруна коомдук бирикмелерге, мектеп фонддоруна акча чогултууга тыюу салган буйрук чыгарды. Бул тууралуу министрликтин маалымат кызматы кабарлады.
«30-сентябрда мектеп директорлоруна коомдук бирикмелерге, мектеп фонддоруна акча чогултууга тыюу салуу боюнча министрдин буйругу чыкты. Бул ата-энелер коомчулугу тарабынан бир канча жолку даттанууларга байланыштуу кабыл алынган. Бул боюнча билим берүү бөлүмдөрүнө мектеп директорлорунун, билим берүү мекемелеринин башчыларынын арасында түшүндүрүү иштерин жүргүзүү милдети тапшырылган», — деп айтылат билдирүүдө.