Бүгүн Британиянын парламенти кайрадан чогулат. Жогорку сот бир добуштан парламентти таркатуу мыйзамсыз болгонун жана юридикалык күчү жоктугун жарыялашкандыктан, парламент жумушун кайрадан баштамакчы.
Кадимки жагдайда шаршемби күндөрү премьер-министр парламент мүчөлөрүнүн суроолоруна жооп бермек. Учурда премьер-министр Жонсон Нью-Йорктогу Башкы Ассамблеянын кезектеги сессиясында жүргөндүктөн, парламенттин бүгүнкү отуруму мурдагыдан башкача болмокчу.