Бүгүн Билим берүү жана илим министри Каныбек Исаков Жогорку Кеңеште ант берип, ыйгарым укуктарын аткарууга расмий киришет. Бул тууралуу Жогорку Кеңештин маалымат кызматы кабарлады.
11-сентябрда Жогорку Кеңештин депутаттары Каныбек Исаковдун Билим берүү жана илим министри кызматына талапкерлигин карап, 107 добуш менен токтом кабыл алышкан. Ошол эле күнү президент Сооронбай Жээнбековдун Жарлыгы менен Каныбек Исаков Билим берүү жана илим министри болуп дайындалган.