Кыргыз-тажик чек арасында 16-сентябрда болгон чыр, ок атышуу боюнча Өкмөттүн маалыматын угуу эртеңкиге калды. Премьер-министр Мухаммедкалый Абылгазиев учурда тажик тарап менен сүйлөшүү жүргүзүп, жыйынга келе албай калганы себеп болгон. Мындан улам төрага 19-сентябрда кароону сунуштады.
«Өкмөт башчы түштөн кийин бошоп калат экен. Толук маалыматты эртең алсак туура болот», — деди төрага.
Бул сунушту 61 депутат колдоп, маселе эртең каралмай болду.
Бүгүн жалпы жыйынында төрага чек ара боюнча маселени саат 14:00гө кароону сунуштап, ал колдоо тапкан болчу.