Бишкек шаарынын Ак-Өргө конушунун жашоочулары жаңы оңдолгон жолго нааразы. Жергиликтүүлөрдүн берген маалыматы боюнча, 2017-2018-жылдар аралыгында «Газпром Кыргызстан» ишканасы үйлөргө жаратылыш газын киргизип баштаган. Мындан улам аталган конуштун Ашар көчөсүндөгү асфальт жолду бузуп, газ түтүктөрүн өткөрүү иштери жүргөн.
Эки жылга созулган процесс ушул жылдын август айында аяктаган. Бирок жолго асфальт мурункудай төшөлбөй, бордюрлар коюлбай ыңгайсыздык жаратып жатат.
