«Ата-Мекен» партиясынын лидери Өмүрбек Текебаев 1-сентябрда өзүнүн кичи мекени Жалал-Абад облусуна караштуу Базар-Коргон районунун Акман айылына барды.
Аны Бишкек–Ош жолунан айылдаштары тосуп алды. Маалым болгондой бүгүн, 2- сентябрда саясатчы түлөө өткөрүүнү пландоодо.
«Ата Мекен» партиясынын лидери Өмүрбек Текебаев менен анын партиялашы Дүйшөнкул Чотонов 2017-жылы орусиялык жаран Леонид Маевскийдин «1 миллион доллар пара алган» деген көрсөтмөсүнүн негизинде «Коррупция» беренеси менен айыпталып, сегиз жылга соттолгон.
29-августта Биринчи май райондук соту «Ата-Мекен» партиясынын лидери Өмүрбек Текебаевди үй камагына чыгарган.