Бишкекте Эгемендүүлүк күнүнө карата жабылган айрым көчөлөр түнкү саат 00:00 кайра ачылат. Бул тууралуу Жол кыймылы коопсуздугун камсыздоо башкармалыгы кабарлайт.
Бүгүн эртең мененки саат 6.00дө төмөнкү көчөлөр убактылуу жабылган.
Фрунзе көчөсүнүн Панфиловдон Раззаков көчөсүнө чейинки бөлүгү;
Абдымомунов көчөсүнүн Панфиловдон Эркиндик проспектисине чейинки бөлүгү;
Чүй проспектисинин Тыныстановдон Тоголок Молдо көчөсүнө чейинки бөлүгү;
Киев көчөсүнүн Тыныстановдон Тоголок Молдо көчөсүнө чейинки бөлүгү.
Айта кетсек, бүгүн Кыргызстанда Эгемендүүлүк майрамы белгиленүүдө.