“Милициянын кызыкчылыгын сатты” делип ИИМ министринин орун басары кызматынан бошотулган Курсан Асановго кылмыш иши ачылган. Бул тууралуу өздүк булактарына таянып informator.kg жазып чыкты.
Анда, 7-8-август күндөрү Кой-Ташта мурдагы президент Алмазбек Атамбаевди кармоо операциясында Асанов кызмат абалын кыянаттык менен пайдаланууга шектелип, Аскер прокуратурасы 11-август күнү кылмыш ишин ачканы маалымдалат.
Азырынча, ИИМден муну тастыкташа элек.
Ички иштер министрлигинин расмий маалыматында К.Асанов Кой-Ташта өзүн пиарлоо менен алектенгени айтылат.
Курсан Асанов ИИМдин айыптоолоруна макул эмес экенин айтат.