Вице-премьер-министр Алтынай Өмүрбекова Кой-Таш айылында мурунку президент Алмазбек Атамбаевди кармоо боюнча атайын операция учурунда жабыркагандардан кабар алды.
Өкмөттүн маалыматында, жабыр тарткан жарандарга квалификациялык медициналык жардам көрсөтүү, зарыл болгон дары-дармек менен камсыздоо тапшырмасы берилди.
Саламаттыкты сактоо министрлиги маалымдагандай, жабыркагандарга медициналык жардам толук көлөмдө көрсөтүлүп жатат, алар бардык керектүү дары каражаттары менен камсыздалган.