Кыргыз Республикасынын Президенти Сооронбай Жээнбеков бүгүн, 7-августта, бир жумалык кыска мөөнөттүү эмгек өргүүсүн токтотуп, Бишкекке жөнөдү. Бул тууралуу президенттин расмий сайтында жазылды.
Эске салсак, Мамлекет башчысы эмгек өргүүсүнө 5-августта чыккан.
Ал эми бүгүн, 7-августта кечке жуук мурунку президент Алмазбек Атамбаевди кармоо операциясы Бишкектин четиндеги Кой-Таш айылында башталган. Учурда атайын операция уланып жатканын УКМК билдирген болчу.