Мурдагы президент Алмазбек Атамбаевдин уулу Сейтек Атамбаев өзүнүн Фейсбук баракчасы аркылуу атасына айткан сыны үчүн эки жыл сүйлөшпөй жүргөнүн жарыялады.
Сейтек Атамбаев акыркы күндөрү ага «Атаңа бийликте турганда айтпайт белең?» — деген билдирүүлөр көп болуп жатканын айтып, коомчулукка чындыкты жарыялагысы келгенин айткан.
«Сиздин шопуруңуз, жансакчыңыз, балашкаларыңыз, сиздин мамлекетибизге жасаган жакшы иштерге көлөкө түшүрүп жатат!» — деп айтканы үчүн эки жылдын ичинде бир жолу эле көрүшкөнүн билдирди.
Мындан сырткары, эки достун ортосуна интрига жаратып, азыркы абалга алып келгендер да ошолор экенин кошумчалаган.