Кыргызстандын жаш футболчусу Ырыскелди Тыныбеков Англиянын Лестер шаарынын «Brooke house College» футболдук академиясына кабыл алынды. Бул тууралуу өлкөнүн Футбол федерациясы билдирди.
Бул боюнча 2 жыл сүйлөшүү жүргөн. Быйыл ал аталган академиянын кароосунан ийгиликтүү өткөн.
Эми Ырыскелди Англиянын Маркет-Харборо шаарында окуусун баштайт.
Ырыскелди Тыныбеков Кыргызстандын өспүрүмдөрдүн курама командасынын (U-16) капитаны жана «Илбирс» клубунун оюнчусу болуп саналат.
Эске сала кетсек, Ырыскелди Тыныбеков 2018-жылы Орусияда өткөн дүйнө биринчилигинде Орусия менен Хорватиянын командалары беттешердин алдында талаага топ алып чыккан өспүрүм экени маалым.