Көкөмерен суусуна агып кеткен Чүй облустук администрациясынын аппарат башчысы Молдакун Абдылдаевдин уулунун сөөгү табылды. Бул тууралуу анын эжеси Индира Абдылдаева социалдык тармактагы баракчасына жазып чыкты.
Эскерте кетсек, 30-июнда Чүйдүн Жайыл районундагы Көкөмерен дарыясына автоунаа түшүп кеткени кабарланган. Алар Өкмөттүн Чүй облусундагы өкүлчүлүгүнүн аппарат жетекчиси Молдакун Абдылдаев жана анын үй-бүлөсү экени айтылган. Мындан улам, сууга түшүп кеткен унаадагы адамдарды издөө иштери жүрүп жаткан. 2-июлда Молдакун Абдылдаевдин жана айдоочусунун, 4-июлда небересинин сөөгү табылган. 10-июлда Молдакун Абдылдаевдин жубайы Тинатин Шадыканованын сөөгү табылганы кабарланган болчу.