Кыргызстандык окуучулар Менделеев атындагы химия боюнча эл аралык олимпиадага даярдык көрүүдө. Бул тууралуу Билим берүү жана илим министрлиги кабарлады.
Даярдык Ысы-Көлдөгү Кут-билим окуу комплексинде өтүүдө. Анда өлкөнүн бардык аймагынан окуучулар чогулган. Окуучуларды Москва мамлекеттик университетинин жетектөөчү адиси, химия илимдеринин кандидаты А. Леванов жана Ю. Котовщиков даярдоодо.
Аталган олимпиада 21-30-июль аралыгында Москва шаарында өтмөкчү.