Бүгүн, 21-июнда Биринчи Май райондук соту мурдагы Башкы прокурор Аида Салянованын баш коргоо чарасын карап, анын камак мөөнөтүн 26-августка чейин узартуу чечимин кабыл алды.
Белгилей кетсек, Аида Салянова 2013-жылы «мыйзамдагы ууру» Азиз Батукаевдин мөөнөөтүнөн мурда абактан бошотулганы боюнча козголгон кылмыш ишинин негизинде 3-июнда камакка алынган.
5-июнда Бишкектин Биринчи Май райондук соту Салянованы 26-июнга чейин №1 тергөө абагында калтыруу боюнча чечимин чыгарган.