Орусиянын президенти Владимир Путин, Куран, Инжил жана Тоорат китептерин окуу пайдалуу экенин журналисттер менен болгон маалымат жыйында билдирди.
Путин ар кандай мамлекеттеги балдарга сунушталган китептер боюнча суроого жооп берип жатып: «Инжил, Тоорат жана Куран китептерин окушсун, алар ар кандай кырдаалдарда пайдалуу. Аталган китептер эркек балдарга да, кыздарга да ылайыктуу», — деди.
Путин дүйнөдөгү бардык диндер адамгерчиликке, гумандуулукка үндөрүн белгилеп: «Эгерде биз аларга амал кылсак, дүйнө дагы да жакшы болот», — деп кошумчалады.
Белгилей кетсек, АКШнын Pew изилдөө борборунун маалыматына ылайык, Орусиянын калкынын 71 %ын провославдар жана 10 %ын мусулмандар түзөт.