2020-2022-жылдарга Кыргызстандагы социалдык-экономикалык өнүктүрүүнүн орто мөөнөттүү болжолу жактырылды. Тиешелүү токтомго премьер-министр Мухаммедкалый Абылгазиев кол койду. Бул тууралуу Өкмөттүк Аппараттын маалымат кызматы билдирди.
Орто мөөнөттүү болжол 2018-жылдагы экономиканын өнүгүү тенденцияларын талдоонун, 2019-жылы күтүлгөн көрсөткүчтөрдү баалоонун негизинде эсептелген жана иш жүзүндө түзүлгөн кырдаалдын факторлору жана тобокелдиктери эске алынган.
Белгилей кетсек, 2020-2022-жылдарга Кыргызстан социалдык-экономикалык өнүктүрүүнүн орто мөөнөттүү болжолу 2020-2022-жылдарга фискалдык саясатынын негизги багыттарынын долбоорун иштеп чыгуу үчүн негиз болуп саналат.