Албания мамлекетинде бир нече жер силкинүү катталып, жүздөгөн үйлөр кыйрап калды. Бул тууралуу жергиликтүү басылмаларга таянып, Рейтер агенттиги кабарлады.
Алынган маалыматтарга караганда, зилзаланын алгачкы очогу Албаниянын түштүк-чыгышындагы Грецияга чектеш жайгашкан Корча шаарында орун алган. Андагы күчү 5.3 баллга жеткен. Жер титирөө улам токтоп, улам кайталанып, эки саатка жакын убакытка созулган.
Кырсыктан 5 адам жаракат алып, ооруканага түшсө, бир нече жай тургун аймакты таштап кетүүгө аргасыз болушкан.
Ушундай эле сикинүүлөр Албанияга чектеш Греция жана Түштүк Македонияда да катталган.