Алданып Сирияга кеткен Өзбекстандын 156 жараны президент Шавкат Мирзиёевдин көрсөтмөсү менен Мекенине кайтарылды. Бул тууралуу президенттин тун кызы Саида Мирзиёева өзүнүн Фейсбук баракчасына жарыялады.
Маалыматка ылайык, бүгүн, 30-майда алар атайын авиакаттам менен Ташкент шаарына алынып келинген. Кайтып келген жарандар негизинен жаш балдар жана аялдар.
Эске салсак, буга чейин 11-майда Казакстандын президенти Касым-Жомарт Токаев Сириядан 231 казакстандык көчүрүлүп келгенин маалымдаган болчу.