Венгриянын борбору Будапеш шаарына жакын Дунай дарыясында кеме кыйрап, 7 турист каза болду. Андан сырткары, 19 адам дайынсыз жоголду.
Окуя 29-майдын түнүндө болгон. Анда, Түштүк Кореядан келген 32 турист сейилдеп жүргөн кеме оодарылып кеткен.
Маалыматка караганда, кырсык эки кеменин кагылышынан келип чыккан.
Түштүк Кореянын лидери Мун Чжэ Ин жарандарды куткаруу үчүн колдон келген бардык жардамды көрсөтүүгө буйрук берди.