Украина президенти Владимир Зеленский президент катары чет өлкөгө болгон алгачкы сапарын Брюсселден баштайт. Ал 4-5-июнь күндөрү расмий сапар менен аталган өлкөгө барары айтылууда. Бул тууралуу «Интерфакс-Украина» агенттиги билдирди.
Зеленский Брюсселде Европалык комиссиянын президенти Жан-Клод Юнкер жана Европа биримдигинин президенти Дональд Туск менен жолугат. Ошондой эле, НАТОнун башкы катчысы Йенс Столтенберг менен сүйлөшүүлөрдү жүргүзөт.
Эске сала кетсек, Украинанын жаңы шайланган президенти Владимир Зеленский 20-майда ант берип, президенттик кызматка расмий киришкен.