Премьер-министр Мухаммедкалый Абылгазиев ишкер Тилек Токтогазиевдин талапкерлигин колдогон жок. Бул тууралуу Өкмөт башчы конституциялык мыйзамдар, мамлекеттик түзүлүш, соттук-укуктук маселелер жана Парламенттин регламенти комитетинин бүгүнкү жыйынында айтты.
Премьер кадрды тандоодо анын бир гана жаш өзгөчөлүгүнө басым жасабай турганын белгилейт.
«Тилек Токтогазиев — жаңыча көз карашы бар жаш ишкер. Күнөскана бизнеси чөйрөсүндө эмгектенет. Бирок жаштыгы менен билиминен сырткары, тажрыйбасы да болушу зарыл», — деди Мухаммедкалый Абылгазиев.
Эске сала кетсек, «Бир Бол» фракциясы Айыл чарба, тамак-аш өнөр жай жана мелиорация министри кызматына Тилек Токтогазиевдин талапкерлигин сунуштаган.
Мухаммедкалый Абылгазиев бул кызма орунга аталган министрликте министрдин орун басары болуп эмгектенген, 55 жаштагы Эркинбек Чодуевдин талапкерлигин сунуштады.