Германиянын президенти Франк-Вальтер Штайнмайер Өзбекстандын президенти Шавкат Мирзиёевдин атайын чакыруусу менен Өзбекстанга келди.
Кечээ, 27-майда Германия президентин эл аралык Ташкент аэропортунан Өзбекстандын премьер-министри Абдулла Арипов тосуп алды. Бул тууралуу Өзбекстан президентинин маалымат кызматы кабарлады.
Расмий сапардын негизги бөлүгү бүгүн, 28-майда Көк-Сарай резиденциясында өтөт. Анда эки тарап саясий, соода-экономикалык, инвестиция жана маданий-гуманитардык тармактарындагы кызматташтыкты өнүктүрүү, ошондой эле Өзбекстан-Евросоюз форматында биргелешип иш алып баруу маселелери талкууланат.
Андан соң Германия президенти бизнес өкүлдөрү менен жолугушат.
29-майда Франк-Вальтер Штайнмайер Хорезм облусуна барары күтүлүүдө.