Бүгүн муз үстүндөгү хоккейден дүйнө чемпиону аныкталат. Кечээ жарым финалдык беттештерде Финляндия Орусия курамасын 1:0 эсебинде утуп финалга чыкты. Ал эми Канада Чехияны 5:1 эсебинде жеңип, финалга жолдомо алды.
Хоккей боюнча дүйнө чемпионаты ушул күндөрү Словакияда өтүп жатат.
Орусия менен Чехиянын хоккейчилери бүгүн, 26-майда Бишкек убакытысы боюнча 19:45те үчүнчү орун үчүн ойношот. Канада менен Финляндия командаларынын ортосундагы финалдык оюн түнкү 00:15те болот.