Кыргызстанда республикалык тазалык жумалыгы өтөт. Бул тууралуу Маданият, маалымат жана туризм министрлигинин коомчулук менен байланыш бөлүмү билдирди.
Акция туризм департаменти, «Эко Деми» коомдук фонду, «Таза Ысык-Көл» коомдук бирикмеси жана «Тонус» коомдук фонду тарабынан демилгеленүүдө.
Өлкөнү таштандылардан тазалоого багытталган иш-чара ушул жылдын 1-июнунан 10-июнуна чейин уланат.
Уюштуруучулар жарандарды өнөктүккө катышууга чакыруу менен бирге, коомдук жайлардагы тазалыкты такай көзөмөлдөөгө үндөйт.