Республикадагы бардык айылдарды таза суу менен камсыздоо үчүн алдын ала эсеп боюнча 30 млрд. сом керек. Бүгүнкү күндө 27 млрд. сомдун каржы булактары аныкталган. Дагы 6 млрд. сомдун тегерегинде инвестиция тартуу зарыл. Бул тууралуу Ичүүчү суу менен камсыздоону өнүктүрүү департаментинин директорунун орун басары Сайпидин Момунов «Марал» радиосуна берген маегинде билдирди.
Анын айтымында, өлкөдөгү 1 миң 819 айылдын 65 %ы таза суу менен камсыз болгон. 617 айыл таза сууга муктаж. 369 айылда таза суу системасы жок болсо, 248 айылда таза суу системасынын эскилиги жетип, жаңыланбай турат.
Белгилей кетсек, 23-майда өткөн «Аймактарга таза суу» аталышындагы форумунда президент Сооронбай Жээнбеков өкмөткө 2023-жылдын аягына чейин калктуу конуштарды 100 % таза суу менен камсыздоо милдетин койгон.