«Ливерпульдун» чабуулчусу Мохамед Салах карьерасын «Реал Мадридде» улантуусу мүмкүн.
Canal+ басылмасынын журналисти Филипп Краёндун маалыматына ылайык, египеттик футболчунун өкүлдөрү испаниялык клуб менен сүйлөшүүлөрдү жүргүзүүдө. Анын кошумчалашынча эки тараптын сүйлөшүүсү жаңы башталган.
Салахтын англиялыктар менен 2023-жылга чейин түзүлгөн келишими бар. Transfermarkt порталы 26-жаштагы чабуулчуну 150 миллион еврого баалаган.
Бул сезондо Мохамед Салах «Ливерпуль» үчүн жалпы 51 оюн өткөрүп, 26 гол жана 13 голдук чыгарып берүүнүн автору болгон.