Чилиде жүргүнчүлөрдү ташыган автобус жол кырсыгына кабылып, 6 адам каза болгондугун эл аралык басылмалар жазды.
Жол кырсыктан 40ка жыкын адам жаракат алган.
Жергиликтүү маалымат каражаттарынын маалыматы боюнча автобус Чилинин борбор шаары болгон Сантьягодон түштүктү көздөй Пуэрто-Монт шаарына бет алган. Айдоочу транспорт каражатын башкаруу көзөмөлүн жоготуп, каршы жол тилкесине чыгып, оодарылып калган.
Автобустун ичинде 52 жүргунчү жана 2 айдоочу болгон.
Окуяга байланыштуу акыркы жагдайлар иликтенип жатат.