Алай районунун аймагында дудук балдарга жасалган бейбаштык боюнча айыптуу жаран кармалды. Бул тууралуу Ош облустук Ички иштер башкармалыгынын маалымат кызматы билдирди.
Алай районунун Кең-Жылга айылынын тургундары дудук балдарды бала уурдоо боюнча күнөөлөшүп, ыдык көрсөтүп жатканы тууралуу видео интернет тармактарында кызуу талкууга алынган. Жогорудагы окуя боюнча 3-майда майып балдардын ата-энелери Ош облустук ИИБне арыз менен кайрылышкан. Алардын арызы катоого алынып, Алай райондук Ички иштер бөлүмүнө жиберилген.
Иш 4-майда Алай райондук Ички иштер бөлүмү тарабынан Кылмыш-Жаза кодексинин 266-беренесинин 1-бөлүмү менен Кылмыштардын жана Жоруктардын бирдиктүү реестрине катталган.
Тергөөнүн жүрүшүндө Алай районунун Тогуз-Булак айылынын тургундары күбө катары суралып, алардын арасынан 1982-жылы туулган Алай районунун Кен-Жылга айылынын тургуну, 3 баланын атасы, эч жерде иштебеген, мурда соттолбогон, К. Ж. К. Кыргыз Республикасынын Жазык процессуалдык Кодексинин 98-беренесинин негизинде шектүү катары Алай райондук Ички иштер бөлүмүнүн убактылуу кармоочу жайына киргизилди. Тергөө иштери улантылууда