Савченко: Зеленскийге койчу талабым бар

Украинанын жаңы президенти Владимир Зеленский өлкөнү сырткы таасирлерден коргошу керек. Мурунку башчылардын колунан бул нерсе келген эмес. Мындай пикирин элдик депутат Надежда Савченко NewsOne телеканалына берген маегинде билдирди.

«Зеленскийди көп кыйынчылыктар күтүп турат. Менин да ага койчу талабым бар. Сырткы таасирлерден Украинаны коргошу керек. Буга чейинки президенттер аны аткара алган жок. Бизге дайым Чыгыш же Батыш таасир этип келет. Алардан качуу, ошону менен биргеликте өнөктөштөрдү жоготпоо кажет. Анын үчүн ага мыкты, акылман кеңешчилер зарыл», — дейт депутат айым.

Апрелде Савченко Зеленскийди колдой турганын айткан. Бирок, жаңы президент менен сүйлөшчү маселелер да бар экенин кошумчалаган.