Кургакчылыктан жана суу ташкынынан улам Түндүк Кореяда түшүм аз жыйналды. Бул акыркы 10 жылдагы эң төмөн көрсөткүч болгонун БУУнун эл аралык азык-түлүк программасынын маалыматында айтылат.
Аталган программанын расмий өкүлү Эрве Верхузел түшүмдүн аз жыйналганынын кесепети 10,1 миллион жаранга тиерин айтты.
Маалымат 29-марттан тарта 12-апрелге чейин Түндүк Кореяда жүргүзүлгөн изилдөөлөрдүн жыйынтыгында чыккан.
Верхузел эгерде аталган өлкөгө гуманитардык жардам көрсөтүлбөсө, миллиондогон жарандын ачка калуу коркунучу жогору экенин эскертти.