«Курал жөнүндө» мыйзамга өзгөртүүлөр киргизилди. Тиешелүү жарлыкка Президент Сооронбай Жээнбеков кол койду. Бул тууралуу Президенттик Аппараттын маалымат кызматы билдирди.
Мыйзам Жогорку Кеңеш тарабынан ушул жылдын 20-мартында кабыл алынган.
Аталган мыйзам «Лицензиялык-уруксат берүү тутуму тууралуу» мыйзамына ылайык келтирүү максатында иштелип чыккан, ошондой эле, «жарандардын курал-жарак жана ок-дарыларды төлөмсүз жана төлөө түрүндө тапшыруусун жөнгө салуу» бөлүгүндөгү кемчиликтерди толтурууга багытталган.
Мыйзам расмий жарыяланган күндөн тартып күчүнө кирет.