Египет бийлиги өлкө аймагына үч айлык мөөнөткө өзгөчө кырдаалдар режимин киргизди. Ошондой эле бул чечим улуттук мүнөздө экендигин билдирди. Bloomberg агентигинин маалыматы боюнча, коменданттык саат Түндүк Синай райондорунда, ошондой эле Израил жана Газа тилкесине жакын аймактарда болот.
Режим 25-апрелде жергиликтүү убакыт боюнча саат 01:00дө башталган. Өзгөчө абал киргизүүнүн себептери айтылган эмес.